Thursday, 24 August 2017 | Login

జీవన కాలుష్యం

ఉ. చెర్వులు,చేదబావులకు చెల్లెను కాలము చిత్రమేమియో  

   యుర్విని చీల్చుచున్ వెలసె నుద్ధృత గొట్టపు బావులక్కటా

   దుర్వినియోగమై జలము దుర్లభమాయెను దప్పి దీరగన్

   ఓర్వగలేక యీ పుడమి యోపరి మిక్కిలి కంపమొందదే.

చం. నిలువగ నీడ నిచ్చును మనీషికి మెండుగనున్న యెండలో

     విలువగు ప్రాణవాయువును వీడుచు ప్రాణుల మేలు సేయునే.

     జలజల వర్షపాతము నొసంగుట కయ్యదె కారణంబుగా

     కలపను గోరి మానవులు కర్కశులౌచును ద్రుంచు వృక్షముల్.

కం.  వాయువు ప్రాణము నిలుపును

     ఆయువు కడతేరిపోవు నది లేకున్నన్

     వాయువు బహువిధ కలుషిత

     మాయెను పలు యంత్ర దూమమాదిగ వాటిన్.

ఆ.వె. కాలి నడక మాని కార్లలో తిరుగాడు

       వేళ తప్పి కూడు వేడుకాయె

       ప్రొద్దు పొడుచు వేళ పొర్లాడు శయ్యపై

       రాత్రిపూట సేయు రాచపనులు.

శా. అంతర్జాలము వచ్చి జూపె మహిమన్ యౌరా యనంగాను  యీ

    సంతన్నేరికి చింతలేదు పనులౌ సౌలభ్యమొప్పంగగా

    నంతా  రామమయంగ నేడ కనినన్ యత్యంత ప్రాచుర్యమై

    వింతల్ సేయుచు విశ్వమున్ కలిపెనీ విఖ్యాత సాంకేతికన్.

తే.గీ. చేతిలో చరవాణియె స్నేహితుండు

      చెంతవానితో  చెలిమిని చేయబోడు

      పుస్తకమని తెరచు ముఖపుస్తకమ్ము

      వాట్స్ యాప్లోన  మునుగును వాసి కెక్క.  

                                                                                                                       రచన ... మురళీధర శర్మ పతి   

News Letter

Subscribe our Email News Letter to get Instant Update at anytime

SiteLock