2020 ఎన్నికల్లో డెమొక్రాటిక్ పార్టీకి సమస్యగా మారనున్న ఇమ్మిగ్రేషన్

వాస్తవం ప్రతినిధి: ఇమ్మిగ్రేషన్ చట్టాల సరళీకరణకు మద్దతు ఇచ్చే డెమొక్రాట్లు మరియు లాటినోలు అధిక సంఖ్యలో ఉన్నప్పటికీ, 2020 ఎన్నికల ప్రచార సమయంలో ఇది ఒక పెద్ద సమస్యగా మారే అవకాశం ఉందని ఆ పార్టీ అధ్యక్ష అభ్యర్థులు భావిస్తున్నారు. ఈ ఇమ్మిగ్రేషన్ అంశం ద్వారా లాటినో ఓటర్ల సంఖ్యని తగ్గించే అవకాశం ఉంది. ఇలాగే 2018 మధ్యంతర కాలంలో ఓ బృందం తమ సామర్థ్యాన్ని చూపించి అనేక కీలక రాష్ట్రాల్లో ఓట్ల పై ప్రభావం చూపించింది. ఈ ఎన్నికల చక్రంలో యువ లాటినోలు అభ్యర్థుల పై ఒత్తిడి తెస్తూ మొదటి 100 రోజుల్లో ఇమ్మిగ్రేషన్ సంస్కరణ బిల్లు ఆమోదం పొందేలా వాగ్దానం చయాలంటూ డిమాండ్ చేస్తున్నారు.

దీని పై మాజీ ఉపాధ్యక్షుడు జో బిడెన్ స్పందిస్తూ బహిష్కరణపై ఒబామా పరిపాలన లో జరిగిన నిరసనలు తనని ఆందోళనకు గురిచేశాయి అని అన్నారు. అలాగే ఓ కార్యకర్త బహిష్కరణ ఆగిపోవాలని తన పై ఒత్తిడి చేసినందుకు అతని హెచ్చరించినట్లు తెలిపారు. “మీరు ట్రంప్ కు ఓటు వేయాలి” అని ఆ కార్యకర్తతో అన్నారు. దీని పై లాటినో డెసిషన్స్ సహ వ్యవస్థాపకుడు మాట్ బారెట్టో మాట్లాడుతూ లాటినో ఓటర్లు డెమొక్రాటిక్ అభ్యర్థుల వైపు చూస్తున్నారని, ఇమ్మిగ్రేషన్‌పై ధైర్యంగా చర్యలు తీసుకోవాలని కోరారు. బిడాన్ ఎక్కువగా DACA కి తన మద్దతు గురించి మరియు పరిపాలనలో అతని పాత్ర గురించి మాట్లాడటంపై ఎక్కువగా దృష్టి పెట్టారని బారెటో చెప్పారు. కాని ఇక్కడ సమస్య లాటినో జనాభా చాలా చిన్నది మరియు ఓటర్లు చాల మంది యువత, అందుచేత ఓటర్లకు చురుకైన సందేశం ఇవ్వగలగాలి” అని బారెటో చెప్పారు. ఇటీవల జరిగిన పోల్స్ ప్రకారం, యువ లాటినో ఓటు కోసం డెమొక్రాట్లు మరింత కష్టపడాలని తెలుస్తుంది.

యునిడోసస్ కోసం నిర్వహించిన జాతీయ లాటినో డెసిషన్స్ పోల్ ప్రకారం 50 మరియు అంతకంటే ఎక్కువ వయస్సు గల లాటినోలలో 53 శాతం మంది తాము ఖచ్చితంగా డెమొక్రాటిక్ అభ్యర్థికి ఓటు వేస్తున్నామని చెప్పగా, 18-29 వయస్సు గల లాటినోలలో 37 శాతం మంది మాత్రమే తాము ఖచ్చితంగా డెమొక్రాటిక్ అభ్యర్థికి ఓటు వేస్తామని చెప్పారు.